«Kva drømmer du om å få jobbe med?» blei eg spurd om i jobbintervju her på Impress.
Eg nølte litt før eg svarte…
«Podcast – det vil eg gjerne lage», sa eg, litt meir vågal enn eg hadde tenkt å vere. Å lytte til og redigere saman historier, flette i hop fleire lag som gir heilhet gjennom lydforteljinger, det er arbeid eg verkeleg liker.
Når du jobber for kunder, så vel du innholdsstrategier med mål om å bygge merkevarer. Me lager ikkje eit produkt med utgangspunkt i at me sjølv liker arbeidet det fører med seg, men for å laga innhald som passer inn i rett kanal og som interesserer målgruppa. Så dukka likevel podcast opp som moglegheit kjappere enn eg hadde sett føre meg.
Når korona set festbremsen på, så tenkjer me nytt… Lyd er vanskeleg å stoppe. Kva med å feire boligbyggelaget som i 2021 er 75 år gjennom deling av ekte historier? Bate bygger hus og leilegheiter, men det er folka som bur der som gjer heimen til sin eigen, som lagar naboskap og tar vare på rammene Bate har satt opp. Me kan rett og slett la stemmer frå Nord-Jæren fortelje om det å skape ein heim.
Oppussingsmodus er namnet på podcasten på seks episoder med glimt frå borettslag i Sandnes, Sola og Stavanger. Her har Bate gått for ei feiring som gir nyttig innhald. Historier som er interessante for alle som går med oppussingsplaner eller «berre» bur.
Her får du høyre erfaringer frå folk som har pussa opp på lavbudsjett, eller endra heilt på planløysinga når behov endrer seg – i staden for å flytte frå eit nabolag dei diggar. Du får innblikk i korleis eit ungt par tok vare på kjærleiken gjennom heftig oppussing, og korleis ei stilsikker kvinne gir fagfolk spennande utfordringar dei aldri har fått før. På sidelinja heier ekspertar frå både Bate og samarbeidspartnere som kommenterer underveis og gir gode råd.
Vil du høyre podcasten? Den finn du på Apple Podcasts, Acast, Google Podcasts, Spotify og på batebloggen.
Les og sjå meir av jobbene me har gjort i samarbeid med Bate her.
